Archive for June, 2010

असार लाग्यो !!!

Monday, June 28th, 2010
माथिल्लो खेतमा धान काट्ने बेला भएको छ भने तल्लोमा रोप्ने बेला। स्याङ्जा पिँढीखोलाका किसान यस्तैमा ब्यस्त छन् अहिले। तस्बिर सौजन्य:नागरिक न्युज डट कम

माथिल्लो खेतमा धान काट्ने बेला भएको छ भने तल्लोमा रोप्ने बेला। स्याङ्जा पिँढीखोलाका किसान यस्तैमा ब्यस्त छन् अहिले। तस्बिर सौजन्य:नागरिक न्युज डट कम

स्याङ्जामा रक्तसंचार केन्द्रको भवन बन्यो

Sunday, June 27th, 2010

स्याङ्जा, १३ असार

नेपाल रेडक्रस सोसाईटी जिल्ला शाखा स्याङ्जाले जिल्ला सदरमुकाम पुतलीबजार नगरपालिका–५ स्थित जिल्ला अस्पताल क्षेत्रमा जिल्लामै पहिलो रक्तसंचार केन्द्र भवनको स्थापन गरेको छ। २०५७ सालदेखि निर्माण शुरु भएको भवन आज मात्रै प्रमुख जिल्ला अधिकारी जीवनप्रसाद ओलीले उद्घाटन गर्नुभएको छ। भवनको उद्घाटन गर्दै प्रमुख जिल्ला अधिकारी ओलीले रगतको अभावमा अकालमै ज्यान गुमाउनुपर्ने स्याङ्जावसीको समस्या हटेर जाने विश्वास व्यक्त गर्नुभयो।
जिल्ला स्थित संघसंस्था विकास केन्द्र सहित विभिन्न सामाजिक संघ संगठनको करिव ६ लाख १ हजारको सहयोगमा रक्तसंचार केन्द्र भवन निर्माण सम्पन्न भएको हो। करिव ४ आनामा फैलिएको भवन १ तले ४ कोठाको रहेको छ।
भवन उद्घाटनका अवसरमा जिल्ला अस्पताल स्याङ्जाको प्राविधिक सहयोग र नेपाल रेडक्रस सोसाईटी जिल्ला शाखाको आयोजनामा रक्तदान कार्यक्रम समेत सम्पन्न भएको छ। उक्त रक्तदानमा करिव २ दर्जन रक्तदाताले रक्तदान गर्नुभएको थियो।
सो अवसरमा बोल्दै जिल्ला अस्पताल विकास समितिका अध्यक्ष दिपक लम्साल, नेपाल रेडक्रस सोसाईटटी जिल्ला शाखाका सभापति मिनप्रसाद गुरुङ्, मन्त्री विष्णुप्रसाद काफ्ले पूर्व सभापति शेरजंग अधिकारीले रेडक्रसको पहलमा बनेको भवनले आम नागरिकको रगत अप्रयाप्तबाट उत्पन्न समस्या हल हुने विश्वास व्यक्त गर्नुभयो

dainikee.com

अन्तरजातिय विवाहीत जोडलाई चेक हस्तान्तरण

Thursday, June 24th, 2010

स्याङ्जा, १० असार

अन्तरजातिय विवाह गर्ने जिल्लाका २ जोडीलाई जिल्ला प्रशासन कार्यालय स्याङ्जा मार्फत विहिबार एक कार्यक्रमका विच १/१ लाखको चेक हस्तान्तरण गरिएको छ।
सामाजिक कुसस्कारलाई चुनौती दिर्दै जिल्लामा ५ जोडीले हालसम्म विवाह गरेका छन्। ५ जोडीले विवाह गरेको भएपनि आज २ जोडीले प्रोत्साहन स्वरुप राज्यले विनियोजन गरेको रकम पाएका हुन्। स्याङ्जामा मेघबहादुर विक, सीता सेवेदी, भविश्वर विक, ईन्जुलाकुमारी क्षेत्री, श्यामबहादुर राना, सविता विक, सन्तोष कामी, अनिता गुरुङ् र अर्जुन गोर्खाली, अनिता आले रहेका छन्। विवाह गरेको ३० दिनभित्रमा जिल्ला प्रशासन कार्यालयमा विवाह दर्ता गरेकालाई मात्रै सो रकम प्रदान गरिने व्यवस्था रहेको छ।
चेक हस्तान्तरण गर्दै प्रमुख जिल्ला अधिकारी जीवनप्रसाद वलीलले जातीय आधारमा हुने घटना र सामाजिक सद्भाव कायम राख्नको लागि प्रोत्साहन स्वरुप रकम दिने व्यवस्था गरेको बताउनुभयो। उहाँले रकमलाई उत्पादनशील क्षेत्रमा लगान समेत आग्रह गर्नुभयो। विवाहीत अन्य जोडीलाई सम्पर्कमा आएपछि रकम हस्तान्तरण गरिने भएको छ।

दैनिकी डट कम बाट

स्याङ्जाको कफी जर्मनी, जापान र अमेरिका निकासी

Thursday, June 24th, 2010

स्याङ्जा, १० असार

स्याङ्जामा उत्पादीत कफी जर्मनी, जापान र अमेरिका निकासी हुने भएको छ। रासानिक मल विना स्थानिय श्रोत र साधनको प्रयोगमा उत्पादन हुने अर्गानिक कफी भएकोले नेपालबाट वर्षिनी कफी निर्यात बृद्धि हुदै गएको छ। चालु वर्षदेखि जिल्ला कफी व्यवसायी संघको पहलमा गठित जिल्ला कफी सहकारी मार्फत पहिलो पटक त्यी देशमा कफी निर्यात गर्न लागेको हो। विगतका वर्षमा यहाँ उत्पादीत कफी अमेरिका, जापान, कोरिया र हल्याण्डमा निर्यात हुदै आएको थियो।
जिल्लामा ८२ कफी उत्पादक समूह र ७ वटा कफी उत्पादक सहकारी सस्था लिमिटेड रहेका छन्। समूह र सहकारी संस्था मार्फत उत्पादीत कफी जिल्ला कफी सहकारी मार्फत पहिलो पटक निर्यात गर्न थालिएको हो। यसअघि हाइल्याण्ड कफी कम्पनी काठमाडौं, एभरेष्ट कफी मिल पाँचखाल काभ्रे, प्लानटेक कफी कम्पनी काठमाडौं मार्फत यहाँका कफी विदेश निर्यात हुदै आएको थियो।
चालु वर्ष स्याङ्जाबाट ड्राई पार्चमेन्ट कफी ५५ टन र ड्राई चेरी कफी ५ टन विदेश निर्यात हुने भएको छ। जिल्ला कफी व्यवसायी समितिको पहलमा ड्राई पार्चमेन्ट प्रतिकिलो १ सय ५५ रुपयाँ निधारण गरिएको छ भने ड्राई चेरीको लागि ४० रुपयाँ प्रतिकिलो तय गरिएको छ।
जिल्लाबाट २०६६ मा ड्राई पार्चमेन्ट ४५ टन र ड्राई चेरी ५ टन कफी विदेश निर्यात भएको थियो। जिल्लामा हालसम्म करिव ४ हजार ५ सय परिवार कफी खेतीमा संलग्न रहेको जिल्ला कफी व्यवसायी संघका अध्यक्ष फणीनारायण अर्यालले बताए। उनका अनुसार, संघमा हालसम्म २ हजार ५ सय परिवार प्रत्यक्ष रुपमा आवद्ध भएका छन्।
जिल्लाका २ नगरपालिका र ६० गाउं विकास समिति मध्ये पुतलीबजार र वालिङ् नगरपालिका सहित २९ गाउं विकास समितिमा स्थानिय कृषकहरुले व्यवसायीक रुपमै कफी खेती गर्दै आएका छन्। स्याङ्जामा २ सय १५ हेक्टर जमिनमा कफी खेती गरिएको छ।
जिल्लामा कुल उत्पादीत कफी मध्ये ३० प्रतिशत आन्तरिक खपत र ७० प्रतिशत विदेश निर्यात हुदै आएको छ। गत वर्षको तुलनामा यस वर्ष कफी खेती र उत्पादनमा करिव २० प्रतिशतले बढेको छ। हालसम्म जिल्लामा करिव ४ लाख कफी विरुवा रोपण गरिएको छ।
उत्पादनमा पनि सहज र बजारको सुनिश्चित भएपछि कृषकहरु कफी खेतीलाई व्यवसायीक रुपमा अगाडी बढाएका छन्। कफी खेतीबाट जिल्लाका सानादेखि ठूला कृषकहरु मनग्य आम्दानी गर्न समेत सफल भएका छन्।
कफी खेतीबाट वर्षमा मात्रै करिव ५ लाखको हाराहारीमा आम्दानी गर्न आफू सफल भएको पुतलीबजार नगरपालिका– १३, मायाटारीका बोधराज अर्यालले बताए। कृषक अर्यालले लामो समयदेखि कफी, सुन्तला खेती गर्दै आएका छन्। व्यक्तिगत रुपमा अर्यालले ५० रोपनी जग्गामा कफी र सुन्तला खेती गरेका छन्।
जिल्लाका कृषकले यस वर्ष कफी विक्रीबाट करिव १ करोड ५० लाख आम्दानी गर्ने छन्। गत वर्षमात्रै कृषकहरुले करिव १ करोड आम्दानी गर्न सफल भएका थिए। जिल्लामा हाल २८ वटा पलपिङ् केन्द्र रहेका छन्।
बढि मात्रामा कफी उत्पादन गर्ने विभिन्न जिल्ला मध्ये ललितपुरपछि स्याङ्जालाई लिने गरिएको छ। विशेष गरि ठूला ठूला रुख भएका क्षेत्रमा समेत कफीको विरुवा लगाउन सकिने भएकाले कफीलाई पाउना खेतीका रुपमा लिईने गरिएको छ। जिल्लामा करिव २ सय सुन्तलाको बगैचा रहेका छन्। सुन्तलाका हरेक बगैचामा कफी खेती गरिएको छ।
स्याङ्जामा करिव २ वर्ष भित्रमा करिव १० करोडको कफी निर्यात गर्न सफल हुने जिल्ला कृषि विकास कार्यालयका वरिष्ठ कृषि अधिकृत चेतनाथ अधिकारीले बताए। अधिकारीका अनुसार स्याङ्जाको भौगोलिक बनावट र वातावरण कफी खेतीको लागि अति उत्तम रहेको छ।
विगत एक दर्शक देखि स्याङ्जामा कफी खेतीबाट यहाँका कृषकहरु मनग्य आम्दानी गर्न सफल भएका छन्। जिल्लामा व्यवसायीक रुपमा कफी खेती गर्न थालेपछि नेपाल सरकार र नेपाल उद्योग वाणिज्य महासंघको साझेदारीमा लागु भएको कार्यक्रम एक गाउँ एक उत्पादनका अर्न्तगत स्याङ्जा कफी खेतीमा छनौट भएको छ।
एक गाउँ एक उत्पादन कार्यक्रम जिल्लाको बहाकोट र अर्जुनचौपारी गाउँ विकास समितिमा परियोजना संचालन भएको छ। त्यस क्षेत्रमा मात्रै ३ वर्षभित्रमा १ हजार रोपनी जग्गामा करिव ५ लाख कफीका विरुवा रोपण गर्ने लक्ष्य राखिएको स्याङ्जा जिल्ला उद्योग वाणिज्य संघका अध्यक्ष दिपक लम्सालले बताए। उनका अनुसार बजेटको थप व्यवस्था भएमा कफीमा कृषकहरुको आवद्धता बढने छ।
स्याङ्जामा छनौट गरिएको कफि खेतिबाट जिल्लाका कृषकहरु मनग्य आम्दानी गर्न थालेका छन्। बैदेशिक रोजगारमा यहा“का युवाहरु विदेश तर्फ भौतारिए पनि मेहनत गरेमा यहि माटोमा समेत लाखौ आम्दानी गर्न सफल हुन्छ भन्ने यहा“का कृषकहरुले दजनौ उदाहरण समेत प्रस्तुत गरेका छन्।

दैनिकी डट कम बाट

स्याङ्जाका कृषकहरु मौरीपालन तर्फ आकषिर्त

Thursday, June 24th, 2010

स्याङ्जा, ९ असार

महको माग बढेपछि यहाँका कृषक मौरीपालनमा आकषिर्त भएका छन् । उपभोत्ताले खोज्दा मह नपाउने कारण बढि पैसा तिरेर किन्ने वातावरण सिर्जना भएपछि कृषक व्यवसायिक मौरी पालनमा लाग्न थालेका हुन् ।
मौरीपालन सजिलो पेशा भएको र माग बढि भएको कारण धेरैले मौरी पाल्न थालेको जिल्ला कृषि विकास कार्यलयका बरिष्ठ कृषि विकास अधिकृत चेतनाथ अधिकारीले बताए । उनले भने, यो सजिलै फल पाईने पेशा भएर कृषक आर्कषिर्त बनेका छन् । मौरी पाल्नको लागी कम लगानी, जग्गा नचाहिने र असिना पानिले नविगार्ने हु“दा यसलाई सुरक्षित पेशा मानिन्छ ।
जिल्लाका विभिन्न भागमा समयमै पैयु फुलेको र फलफुल पनि प्रशस्त भएको कारण मौरीलाई चरन पुगेको छ । जिल्लामै एउटा घरमा एक वर्षा १२ किलोसम्म मह काढेको स्थानियवासी रुकुम पौडेलले बताए । उनले भने, यस पटक मह राम्रो भएको छ ।
मह व्यवसाय गर्न सके बजारको खाँचो नरहेको पौडेलले दावी छ । घरमै ग्राहक आउन थालेपछि अहिले जिल्लाका ६० वटै गाविस र २ नगरपालिकामा मौरी पालन गर्न थालिएको छ । जिल्लाको ठुलाडिहि, खिलुङ-देउराली, पौवेगौडे, दहथुम लगायतका करिव १ दर्जन गाविसमा व्यवसायीक रुपमा पौरीपालन गर्न थालिएको छ ।
मह पौष्टिक भएको कारण विदेश रहेका आफन्तलाई पठाउने बढि खोज्ने गरेको दिपक गुरुङले बताए । शुद्ध महको लागी आफुले पैसामा कञ्जुस नगर्ने गुरुङले बताए । बजारमा मह खोज्ना साथ पाईन्छ तर उनले भने, शुद्ध मह पाउनै गाह्रो छ ।
धार्मिक कार्यमा मह अनिवार्य भएको कारण महको माग दिनप्रतिदिन बढ्दो छ । महबाट आयआर्जन राम्रो हुने देखेपछि अहिले जिल्ला कृषि विकास कार्यलयले बाषिर्क ३ सयका दरले मौरी सहितको घार वितरण गर्दै आएको छ । कार्यालले दिएको र कृषकले किनेर ल्याएको पौरीको घार जिल्लामा करिव १० हजारको हाराहारीमा रहेको कृषि कार्यालले जनायो ।
मौरी पालन गर्न बढि लगानी गर्न नपर्ने कारण महिला यस पेशा बढि आकषिर्त छन् । महिलालाई सक्षम बनाउनको लागी सहारा समुहले पनि २० वटा गाविसका महिलालाई ८० घार मौरी सहित दिएको छ ।
घारबाट ६ सय जना प्रत्यक्ष लाभान्वित भएको साहारा समुहकी महिला लघुउद्यम तथा शसक्तिकरण कार्यक्रमकी संयोजक गिरीजा काफ्लेले बताईन । उनले भनिन, गा“उका महिलाका लागी सामाजिक र आर्थिक सक्षमताको लागी हामीले मौरी पालन गर्न सहयोग गरेका हौ । सहारा समुहले घार दिएका महिलालाई कृषि विकास कार्यलयले मौरीपालन तालिम दिएको थियो ।